នាយកដ្ឋានកិច្ចការបណ្ដុះបណ្ដាល

កសាង និងអភិវឌ្ឍធនធានមនុស្សឱ្យមានសមត្ថភាពខ្ពស់ ជំនាញច្បាស់លាស់ វិន័យ ចរិយាសម្បត្តិ និងវិជ្ជាជីវៈត្រឹមត្រូវ ដើម្បីឆ្លើយតបទៅនឹងតម្រូវការអភិវឌ្ឍន៍សង្គម-សេដ្ឋកិច្ច និងការកែទម្រង់វិស័យអប់រំ។ គោលដៅ និងបេសកកម្មសំខាន់ៗដែលគាំទ្រចក្ខុវិស័យនេះ៖

• ពង្រឹងគុណភាពអប់រំ និងការហ្វឹកហ្វឺន៖ អភិវឌ្ឍកម្មវិធីសិក្សា និងវគ្គបណ្តុះបណ្តាលឱ្យទាន់សម័យ ស្របតាមស្តង់ដារជាតិ និងអន្តរជាតិ។
• លើកកម្ពស់សមត្ថភាពមន្ត្រី/បុគ្គលិក៖ បំពាក់បំប៉នចំណេះដឹង បច្ចេកវិទ្យា និងជំនាញដឹកនាំ ដល់មន្ត្រីរាជការ ឬកងកម្លាំងប្រដាប់អាវុធ។
• បណ្តុះស្មារតីទទួលខុសត្រូវ និងវិជ្ជាជីវៈ៖ ពង្រឹងក្រមសីលធម៌ ចរិយាធម៌ និងស្មារតីបម្រើសេវាសាធារណៈឱ្យមានប្រសិទ្ធភាព និងតម្លាភាព។
• ការធ្វើទំនើបកម្មប្រព័ន្ធសិក្សា៖ ជំរុញការប្រើប្រាស់ប្រព័ន្ធឌីជីថល និងការសិក្សាប្រកបដោយចីរភាព។

នាយកដ្ឋានកិច្ចការបណ្តុះបណ្តាលមានភារកិច្ច ដូចខាងក្រោម៖ 

- ភិវឌ្ឍគោលនយោបាយ និងផែនការសកម្មភាពកែទម្រង់គ្រូបង្រៀនឱ្យឆ្លើយតបនឹងបរិវត្តកម្មអប់រំ

- អភិវឌ្ឍផែនការតម្រូវការបណ្តុះបណ្តាលគ្រូបង្រៀន និងបុគ្គលិកអប់រំ 

- រៀបចំផែនការសកម្មភាពការងារ និងផែនការអភិវឌ្ឍសាលាគរុកោសល្យឱ្យក្លាយទៅជាមជ្ឈមណ្ឌលឧត្តមភាពក្នុងការបណ្តុះបណ្តាល និងវិក្រឹតការគ្រូបង្រៀនគ្រប់កម្រិត និងសាលាអនុវត្តន៍ឱ្យក្លាយទៅជាសាលាគំរូ សាលាជំនាន់ថ្មី

- អភិវឌ្ឍក្របខ័ណ្ឌ និងកម្មវិធីបណ្តុះបណ្តាលដំបូងសម្រាប់ការបណ្តុះបណ្តាលគ្រូបង្រៀនគ្រប់កម្រិតដោយប្រើប្រាស់វិធីសាស្ត្របង្រៀនទំនើបឱ្យឆ្លើយតបនឹងបរិវត្តកម្មបច្ចេកវិទ្យា

- អភិវឌ្ឍឯកសារបណ្តុះបណ្តាល និងឧបករណ៍ពិនិត្យតាមដាន និងវាយតម្លៃការបណ្តុះបណ្តាលគ្រូបង្រៀន 

- ពិនិត្យតាមដាន និងវាយតម្លៃការអនុវត្តកម្មវិធីបណ្តុះបណ្តាលគ្រូបង្រៀននៅតាមសាលាគរុកោសល្យ

- ពង្រឹងការប្រើប្រាស់បច្ចេកវិទ្យាសម្រាប់ការគ្រប់គ្រង និងការបង្រៀន និងរៀននៅតាមសាលាគរុកោសល្យ និងសាលាអនុវត្តន៍

- រៀបចំការប្រឡងបញ្ចប់ការបណ្តុះបណ្តាលគ្រូបង្រៀនគ្រប់កម្រិត

- គ្រប់គ្រង វាយតម្លៃ និងផ្តល់អាជ្ញាបណ្ណវិជ្ជាជីវៈគ្រូបង្រៀនគ្រប់កម្រិត

- សិក្សាស្រាវជ្រាវ ការអនុវត្តប្រព័ន្ធបណ្តុះបណ្តាល ដើម្បីធានាគុណភាពគ្រូបង្រៀនគ្រប់កម្រិត 

- ស្រាវជ្រាវគរុកោសល្យ និងវិធីសាស្ត្របង្រៀនថ្មីៗសម្រាប់គាំទ្រការបណ្តុះបណ្តាល គ្រូឧទ្ទេស និងគ្រូបង្រៀនគ្រប់កម្រិត

- សម្របសម្រួលជាមួយនឹងដៃគូអភិវឌ្ឍវិស័យអប់រំ

- សម្របសម្រួលអន្តរអង្គភាពចំណុះក្រសួង ទាំងមន្ទីរអប់រំ យុវជន និងកីឡារាជធានី ខេត្ត និងអន្តរស្ថាប័ន នៅក្រៅក្របខ័ណ្ឌក្រសួងទាំងនៅថ្នាក់ជាតិ និងថ្នាក់ក្រោមជាតិលើការងារការបណ្តុះបណ្តាល

- រៀបចំបូកសរុបការងារបណ្តុះបណ្តាលប្រចាំត្រីមាស ឆមាស នព្វមាស និងប្រចាំឆ្នាំ 

- អនុវត្តភារកិច្ចផ្សេងៗទៀតតាមការប្រគល់ពីអគ្គនាយកដ្ឋានឬអគ្គនាយកដ្ឋានរងទទួលបន្ទុក។ 

• លេខទូរស័ព្ទ៖ 097 567 983
• អ៊ីមែល៖ ted@gmail.com